لما كنا صغيرين

لما كنا صغيرين

الحياة كان لونها بمبى



لمّا كُنا صُغيَّرين

كان ساعتها صحابى جَمبى



كُنَّا بِنشكِّل فى طين

كان همومى كِبيرها لعبة

ببقى عايز أشتريها

كُنت انا وصحابى دايما

لِعبْ طول الوقت بيها



لو فى يوم اللعبة باظت

أى حِتة اركنها فيها



بعد فترة.. الطفل يكبر

كل جزء ف وقتى فارق



جَتْ هموم الدنيا طبعا

بَـدِّلِتلى البمبى غامق



علمتنى حاجات كتير

عرفتنى المسئولية

والزمن كانت هوايته

لِعبْ طول الوقت بِـيّا



عرفتنى الدنيا دُورى

إنى مش عايش وبس

وان نُص اتنين بواحد

يعنى مش واحد ونُص



كل ثانية من الحياة

كل وقت يمر بيك

لو مضافش زيادة عندك

إعرف إن النقص فيك



الحياة أصلاً بسيطة

كل حاجة وليها حَل

الحياة زى اختبار

والتجارب حل سهل

السؤال اللى مضايقنى

ليه بسرعة اوام كبرنا

السؤال دا بجد صعب

هو يعنى عشان عِقلنا

واللا عشان بَطَّلنا لِعب !!

عشان عقلنا

eman ezzat كتب:عشان عقلنا

لا عشان بطلنا لعب