قصيدة 0000بعدالثانويه

خلصنا من الثانوية
و معرفتش أكتب القصيدة غير بالعامية
أصلهم علمونا النحو اللي بيجي في
امتحانات الثانوية
و عمرهم ما قرؤوا نص الا باللغة العامية
مش النحوية
نسونا العربي بتاع أيام .......... القادسية
و قعدوا يملوا دماغنا بالغة ديّة
أما النجليزية
فكل مدرس ينطقها على مزاجه
بلهجة الشرابية
أما عن الفيزيا
فهقولكوا ازاي ........ الراجل كان
بيشرح النظريّة
كان يرص التعريف و بعدين الفكرة
و يقول دي طريقة ...... غبيّة
و أحلفلكوا ميت يمين انه عمره ما دخل معمل
و لا حتى صيدليّة
و عامل نفسه دكتور و هو أصلا أحمر من
الفراشين و القهوجيّة
أما الرياضة فهاضطر أكلم عنها بحساب
و أكدب شويّة
أصل المدرس كان مهندس و هو اصلاً
ميعرفش قواعد الرسم الهندسيّة
و كان يشرح و ينطق الكلام و تحس
انه مجعلص شويّة
أصله نسي ان احنا في مدارس لغات
و فاكرنا في التوجيهيّة
مع اننا و الله كنا بنفهم ........ زمان
قبل الثانوية
أما عن الاقتصاد فكان بيدرسهولنا واحد
بتاع جغرافية حيويّة !!!!!
و متسألنيش ايه المادة ..... ديّة
كان يكلم أحسن من وزير الماليّة
و يشرح بثقة و يهزر شويّة
و يدينا خمس ورقات و يقولنا هو ده المنهج
سيبك من الكتب المدرسيّة
أما الإحصا فالبشمهندس يقولنا احفظ القوانين دي
و هتقفل .... الميّة
و معرفش بقى بقيت المواد اصلي
كنت شعبة علميّة
بس أكيد الكوسة هتبقى أكبر في الشعبة الأدبية


يارب تعجبكم

ههههههههههههههههههه

جميييييييييييييييييييييييل اوى يا ((علا))

ميرسى على تعبك

رائــــــــــــــــــــع عـــــــــــــــــــــــلا

ميرسى على الرد منمن ولولا

ومستنيه باقى ردودكم