الفرق بين موبيلات الشباب والبنات !!!

هنتكلم على الفرق بين موبيلات الشباب والبنات

تعالو كدة نشوف


أولا نبدأ بموبايل البنات

الشكل الخارجى

اللون أحمر أو وردى أو ابيض اكسسوارات فى الموبايل ملصقات حروف .........ألخ ألخ ألخ

الشاشة
خلفية خطيرة (قلوب ، دباديب ، وردة ..... ألخ

الأسماء

منى الكوافيرة

أم محمد (طبعا ام محمد دى جارتهم اللى بتقولها أخبار الشارع شقة شقة
ميرنا صاحبتى
ايناس السكر
بابا حبيبى
مامتى
اخويا احمد
اختى

الماسجات
كلها مسجات حب وغرام وغزل (يعنى كله رومانسى فى رومانسى

المنبه
ما شاء الله عليها تظبته الساعة 8 صباحا

مدة بقاء الموبايل
ما شاء الله كل 6 شهور تجديد (بتهتم بالموبايل أكتر من نفسها)

مكان وضع الموبايل
طول اليوم فى اليد ،،، بس الفترة اللى بتكون نايمة فيها بيكون تحت المخدة

الدور علي الشباب بقي
وريني يا عم القمور
ههههههههههههههههههههه

موبايل الشباب

الشكل الخارجى
رضوض وتكسير ويوجد بعض الشروخ على الجوانب و الكفر متأشر اللون رمادى بسبب الرمى فى كل مكان واى مكان
الشاشة
غير أنها بتكون مكسرة و أحينا ألوانها ضاربه بيبقى لونها اسود
خلفية
تكون مرعبة جماجم يعني حاجه كدا او صوره بنت حلوه )

الأسماء
محمد الدهول
(حارس جراج السيارات)
ابو عوض (الحلاق)
شكرى (الميكنيكى)
الوحش (يقصد ابوه)
أسلام كعبول الزنانة
(يقصد أخته)
المحكمة أو أمريكا (أمه)
(الأصدقاء)
ابو كرش
اللزقة
الرخم
انتيمى
الباشا
البرنس

المسجات
كلها رسائل الله يعينهم عليها مينفعش واحدة تقرأها خالص أما مسجات العاشق الولهان ..... تختلف 360 درجة

المنبه
يعنى على 3 أو 4 العصر لانه سهران طول الليل
مدة بقاء الموبايل
تتراوح مابين السنتين والثلاثة قابلة للتمديد لو متسرقش او حصله عطل

مكان وضع الموبايل
فى جيبه فى الترابيزة قدامه لو قاعد على القهوة مرمى على المكتب مش بتفرق كتير

وقت النوم
بيشيله فى جيبه او يقفله برقم سرى ويحطه جنب السرير طبعا علشان محدش يشوف البلاوى اللى عليه

ههههههههههههههههههه حلوه يا دودو

بس مش كل الولاد ولا كل البنات كده في كتير منهم بيشتريه للغرض الذي صنع من أجله وفي كتير منهم حاطط رنات أدعية وأيات قرآنية. بس موضوع جميل أوووي .

أيوه كده
خلييييناااااااااااا نعيد الموقع من تاااااااااااااانى
معانا يا بناااااااااااااات

ههههههههههههههههههههههههههههه لاء حلوة بجد والله وجديدة

هههههههههههههههههههه حلوه موووووووووت والله انتى سكر وسكر الاسره كمان اغلى سكر فى السوق ههههههههههههههههه

ايه يا دودو الحلاوة دي

هههههههههههههههه

اللة يا بنات وحشانى تعليقاتكم اوى يارب المنتدى بتاع المدرسة يكون حافل ببنات قمامير زيكوا كدا قولو امين ههههههههههههههههه